Phone: 0481-2563527, 2563812, 2300453 Fax: 0481-2563327

St Thomas Knanaya Catholic Church, Malloossery

St. Thomas Knanaya Catholic Church Malloosseryകോട്ടയം പട്ടണത്തിന്‌ അടുത്ത്‌ ചുങ്കം കവലയ്‌ക്കു സമീപം കൊണ്ടേട്ടു വീട്ടുകാര്‍ ദാനമായി നല്‌കിയ സ്ഥലത്ത്‌ അന്ന്‌ ഇടയ്‌ക്കാട്ടു പള്ളി വികാരിയായിരുന്ന ബഹു. പള്ളിക്കുന്നേല്‍ ഉതുപ്പച്ചന്‍ ഒരു കപ്പേള പണിയുകയും മാതാവിന്റെ രൂപം പ്രതിഷ്‌ഠിക്കുകയും ചെയ്‌തു.

1937 നവംബര്‍ 1-ാം തീയതി ചൂളപ്പറമ്പില്‍ പിതാവ്‌ തിരി തെളിച്ച്‌ വെഞ്ചരിപ്പുനടത്തി. ഇടയ്‌ക്കാട്ടുപള്ളിയില്‍ പോയി തിരുക്കര്‍മ്മങ്ങള്‍ അനുഷ്‌ഠിക്കുവാനുള്ള വിശ്വാസികളുടെ ബുദ്ധിമുട്ടുകള്‍ പരിഗണിച്ച്‌ അഭിവന്ദ്യ തോമസ്‌ തറയില്‍ പിതാവ്‌ മള്ളൂശ്ശേരിയില്‍ ഒരു ദേവാലയം നിര്‍മ്മിക്കുവാന്‍ അനുവാദം നല്‌കി. 1941-42 വര്‍ഷം മുതല്‍ കൊണ്ടേട്ട്‌ സ്‌കൂള്‍ പ്രവര്‍ത്തിച്ചിരുന്നത്‌ ഇപ്പോള്‍ പള്ളി സ്ഥിതി ചെയ്യുന്ന സ്ഥലത്തായിരുന്നു. ഇടയ്‌ക്കാട്ടുപള്ളി വികാരിയായിരുന്ന ബഹു.മാത്യു കൊരട്ടിയിലച്ചന്റെ മേല്‍നോട്ടത്തില്‍ 1967-68 വര്‍ഷത്തില്‍ മുതലക്കോണത്തുപറമ്പില്‍ സെന്റ്‌ തോമസ്‌ എല്‍ . പി. സ്‌കൂള്‍ പണികഴിപ്പിച്ചതിനുശേഷം കൊണ്ടേട്ട്‌ പറമ്പില്‍ സ്‌കൂള്‍ ഇരുന്ന സ്ഥലത്ത്‌ പള്ളി പണിയുകയും ചെയ്‌തു. 1969 ഡിസംബര്‍ മാസത്തില്‍ ഇത്‌ ഇടവകയായി ഉയര്‍ത്തപ്പെട്ടു.

എല്ലാ വര്‍ഷവും വി.തോമാശ്ലീഹായുടെ തിരുനാളും മനോഗുണമാതാവിന്റെ തിരുനാളും ആഘോഷപൂര്‍വ്വം കൊണ്ടാടുന്നു. വിസിറ്റേഷന്‍ സഭയുടെ ഒരു ശാഖാഭവനം ഈ ഇടവകയിലുണ്ട്‌. ഇടവകയോടനുബന്ധിച്ച്‌ സെന്റ്‌ തോമസ്‌ എല്‍ .പി. സ്‌കൂളും, അമല മരിയാ ഇംഗ്ലീഷ്‌ മീഡിയം നേഴ്‌സറി സ്‌കൂളും പ്രവര്‍ത്തിക്കുന്നു. ഇടവകയില്‍ 314 ഭവനങ്ങളും 1513 അംഗങ്ങളുമുണ്ട്‌.